الكلمه سراب
الشاعر ليله إمبارح
راح مشوار
فأتذكر إن الناس قاعدين يستنوا..
فقال على نفسه مهم وغاب
شدوه ضربوه
لعنوه وهانوه
حطم قلمه.. كسر الأوزان..
قطع أوراقه وقال يا كلاب
هزوا ديولهم
مشيوا ساكتين
لكن كانت..
ف وشوشهم بسمه وقول كداب
الشاعر فكر ساعة غضبه وقال..
أنا لازم أكون سكينه وناب..
جهز خنجر وسهام ونبال
وخيول لشجرة الدر وكام قباب
الشاعر قام لبس الخوزه
علق درعه وشد لجامه وقال
أبو زيد إتحدى زناتى خليفه
وكل الناس ساكتين
شفايفهم زى رمال الصحرا..
فى صمت الكلمه قالتلته دياب
الشاعر ساب من إيده السيف
فك الخوزه
حط الميه عشان تشرب كل خيوله
علق ع الباب
أنا شاعر لكن مش ممكن
أتجرجر من قلمى وراكم
وأتحدى سراب.
...................................
...................................
ـ نُشرت هذه القصيدة فى موقع دنيا الرأى رابط :
http://pulpit.alwatanvoice.com/articles/2012/02/01/249920.html
