الشعر كلمة حق
.
الماضى يجرح قوى
لما يكون قاسى
تاكل ف عضمى الناس
وأشرب عرق فاسى
الكلمة قالها الولد
ساعة ظهور الحق
سيفى العليل انجرح
بقلوب ما تعرف دق
يا كلامى يا مدفون
من جوا جوا تابوت
الكلمة لو صادقة
ينطق بها الكتكوت
الكلمة حبلت شعر
وف بطنها مزنوق
والكلمة هيه الحق
والحق مات مخنوق
عزيته بالموال
الشعر قام وإنطرح
واللى ف بطنه طرح
أنا خوفى أموت م الخوف
من إنى أموت مخنوق.
..........................ـ نُشرت هذه القصيدة فى موقع دنيا الرأى رابط :
